Iginawad ang mga premyo at parangal sa mga nanalo sa kauna-unahang Leoncio P. Deriada Literary Prize nitong nakaraang Biyernes, Agosto 19, 2:00 ng hapon, sa Sentro ng Wikang Filipino. Ang mga nagwaging manunulat na mga mag-aaral ng UP Visayas ay ang mga masunod:
Tula sa Wikang Rehiyunal |
|
Unang Gantimpala: “Sa Punta Sadtong Maduagon nga Balangaw kag Iban pa nga mga Binalaybay” |
Orland A. Solis |
Ikalawang Gantimpala: “Kuwadro: Apat ka Binalaybay sa Baraha” |
Jhio Jan A. Navarro |
Tula sa Iba pang mga Wika |
|
Unang Gantimpala: “Mga Tula Bilang Epilogo” |
Rodmar G. Arduo |
Ikalawang Gantimpala: “Poetika: Tatlong Tula sa Tula” |
Jhio Jan A. Navarro |
Maikling Kuwento sa Wikang Rehiyunal |
|
Unang Gantimpala: “Sab-og” |
Orland A. Solis |
Ikalawang Gantimpala: “Si Patpat kag ang Manok nga Ilahas” |
Jessa S. Payofelin |
Maikling Kuwento sa Iba pang Wika |
|
Unang Gantimpala: “Wings for Flight” |
Liane Carlo R. Suelan |
Ikalawang Gantimpala: “Arson” |
Domingo M. Aguillon III |
Ang patimpalak ay pinasimulan ng Division of Humanities bilang pagpupugay at pagpapatuloy ng alaala para sa premyadong manunulat at Professor Emeritus ng dibisyon, Dr. Leoncio P. Deriada, na naging unang Pangkalahatang Tagapag-ugnay ng UPV Sentro ng Wikang Filipino at tinagurian ng mga kritiko bilang Ama ng Kontemporanyong Panulatan sa Kanlurang Bisayas. Katuwang ng UPV Sentro ng Wikang Filipino sa gawaing ito ang Division of Humanities at Hubon Manunulat. Ang mga nanalo ay nakatanggap ng Sertipiko ng Pagkilala at premyong naghahalaga ng P5,000.00 para sa unang gantimpala at P2,500.00 para sa ikalawang gantimpala. Ang mga premyo ay kinalap ng Division of Humanities sa pamamagitan ng mga donasyon ng mga dating estudyante ni Dr. Deriada at ng mga tanyag na manunulat na kumilala sa kanya bilang kanilang tagahubog o mentor sa pagsusulat.